Piter Wilkens Wilko de minstreel tekst piosenki i tłumaczenie. Posłuchaj MP3 i obejrzyj teledysk z Youtube oraz sprawdź chwyty.

Tekst piosenki

Hy song de moaiste lieten al fanôf syn bertedei

betocht de earste hits wylst er yn 'e widze lei

begûn al gau te spyljen op syn eigenmakke lút

stuts syn broerke Bernlef graach de eagen út

in wûnderbern, dat wie it, mei in eigen didaktyk

sa stie er oan de basis fan de iere popmuzyk

it spruts de minsken oan en hy brocht it hiel sjarmant

hy waard de earste minstreel, de earste echte muzikant

Hy song de moaiste lieten en rispe mannich tút

wie al in sekssymboal, fanôf syn jong debút

syn kontsjedraaierij foel aardich yn 'e smaak

ja ier yn de midsieuwen seach men dat net faak

ferhaal fan folk en kening, noch nea wie it sa dien

sensaasje, nije streaming, 'hot' foar elkenien

famkes by de rûs en hy tocht: 'Da 's yntressant'

'Lit my mar minstreel wêze, de earste echte muzikant'

Hy song de moaiste lieten, brocht it minskdom op in spoar

de âlde generaasjes stelden net sa folle foar

beminde alle froulju, libbe as in ljurk sa frij

en tocht: 'Wat kin it skele ju, sy hâlde dochs fan my'

omdat 'Den Frieschen Waepensmidt' syn grutte sponsor wie

en er sa subsydzje kryg' fan de kulturele rie

waard er wat bedoarn en ek wat nonsjalant

striejonker fan it noarden, de earste echte muzikant

Hy song de moaiste lieten ek yn it Frankenlân

de frou fan kening Karel fûn him in ''eerlyke garçon'

sy stjûrde ris in postdo nei syn ympressario

'Yk wyl dy chansonnier avec le 'yle show'

sa kaam er oan har hôf, dat brocht publisiteit

oeral klonk syn namme dat syn trochbraak wie in feit

foar ivich populêr, bejeftige, briljant


Hy song de moaiste lieten yn 't teater fan Parys

de Franken waarden wyld en sy rôpen: 'Bis, bis, bis!'

nei hiel syn repertoire en in duetsje mei syn broer

koe it net mear stikken: 'Vive le troubadour'

Karel wie te fjochtsjen tsjin de Moar oars hie er 't keard

Mar de keningin waard swier fan ús lytse dogeneat

Ja begripelik wie 't wol mar net sa sa elegant

hy gie har oer de lea, de earste echte muzikant

Hy song de moaiste lieten, mannich faam gie nei him ta

Want fan sa 'n grut artyst wa wol dêr net in bern fan ha

sy foelen foar syn streakjen, syn betoverjende stim

yn alle hoeken fan de wrâld fynst it skaai fan him

Indianen as Japanners, o ja wier 't seit my genôch

Meitsje sy muzyk dan binn'sy grif fan Frysk komôf

wy binn' allegear besibbe, fan heit as memmeskant

troch dy pierewaaier, de earste echte muzikant

Hy song de moaiste lieten, en hy liet ús hiel wat nei

Al ús ynsperaasje it komt by Wilko wei

't is erflik bepaald wy bliuwe inkeld surrogaat

want wat wy ek besykje: Wy pleegje plagiaat

earm en ryk en swart en wyt, sy krigen nea har nocht

de iene seach in freon yn him de oare dy waard sljocht

mar Knut de Wytsing seach him by syn frou yn 't ledikant

hy hold net fan muzyk en houde samar dea ..., de earste echte muzikant

Hy sjongt no moaie lieten, heech boppe ús by God

wy brûke al syn fynsten, syn meldij-, akkoardebrot

syn nûmers wurde 'covere', oant de dei fan hjoed

ek dit liet is fan Wilko, al sjong ik net sa goed

yn dizze tiid fan samples wurdt der stellen by de fleet

en ik doch wier net moeilik, 'k skriuw it ta oan ús profeet

alle sjongers troch de tiid, sy bliuwe yn syn trant

en earje sa ús Wilko, de earste echte muzikant 

Tłumaczenie